INALMAHAN ni Senador Christopher ‘Bong’ Go ang pahayag ng Philippine Drug Enforcement Agency (PDEA) na kaibigan niya ang drug suspect na si Allan Lin.

Binigyang-diin ni Go na matindi ang galit nila sa droga at lalo na sa mga drug lord kaya napaka imposibleng maging kaibigan niya si Lin.

Una rito, tinukoy ni PDEA Deputy Director for Operations Assistant Secretary Renato Gumban sa pagdinig ng Kamara si Go bilang isa sa mga kaalyado ni dating Pangulong Rodrigo Duterte na may kaugnayan kay Alan Lin o Lin Weixiong.

Iginiit pa ng senador na paulit-ulit lamang ang alegasyon sa kanya na hindi naman mapatunayan.(Dang Samson-Garcia)